Կառաջարկվեն գրավիչ պայմաններ, որպեսզի բարձրակարգ սերմնահեղուկով սերմնավորեն խոշոր եղջերավոր կենդանիներին. Քերոբյան
Տնտեսություն
Էկոնոմիկայի նախարար Վահան Քերոբյանը լրագրողների հետ զրույցում հայտնել է, որ հաջորդ տարի սկսում են կովերի արհեստական սերմնավորման ծրագիր, որի ներքո իրենք գյուղացիներին աջակցելու են արհեստական սերմնավորման գործընթացում, որպեսզի, ընդհանուր առմամբ, գենետիկան լավացնենք:
«Էկոնոմիկայի նախարարությունն անընդհատ աշխատում է, որպեսզի իրականացվող ծրագրերն ունենան մեծ ազդեցություն տնտեսության վրա։ Հիմա կոնկրետ այդ ծրագիրը փոփոխման փուլում է, որովհետև մենք արդեն գիտենք, թե ինչ է պետք փոխել, որպեսզի այդ ծրագիրը վերաբերի մեծ թվով տնտեսվարողների և տա մեծ արդյունք՝ 51 խելացի անասնագոմը մեծ արդյունք չէ։ Մեր հաջորդ տարվա ծրագրերից է նաև այդ ծրագրի լավարկումը, որպեսզի մենք կարողանանք ընդլայնել այդ ծրագրի գործողության ազդեցությունը։ Մյուս տարի մենք սկսում ենք կովերի արհեստական սերմնավորման ծրագիր, որի ներքո մենք գյուղացիներին աջակցելու ենք արհեստական սերմնավորման հարցում։ Առաջարկելու ենք գրավիչ պայմաններ, որպեսզի ֆերմերները բարձրակարգ սերմնահեղուկով սերմնավորեն, որը արդյունքի կբերի 2-3 տարի հետո»,-եզրափակեց Վահան Քերոբյանը։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
