«Ադրբեջանը զգալի հաջողությունների է հասնում»․ Պուտինը նամակ է հղել Ալիևին

Ռուսաստանի Դաշնության նախագահ Վլադիմիր Պուտինը շնորհավորական նամակ է հղել Ադրբեջանի նախագահ Իլհամ Ալիևին՝ ծննդյան օրվա կապակցությամբ։

նամակում ասվում է. «Հարգելի Իլհամ Հեյդարովիչ,

Խնդրում եմ ընդունեք իմ անկեղծ շնորհավորանքները ծննդյան օրվա կապակցությամբ:

Դուք իրավամբ բարձր հարգանք եք վայելում ձեր հայրենակիցների շրջանում և արտերկրում: Ձեր ղեկավարությամբ բարեկամ Ադրբեջանը զգալի հաջողությունների է հասնում տնտեսական ու սոցիալական ոլորտներում և կարևոր դեր է խաղում տարածաշրջանային ու միջազգային գործերում։ Դժվար է գերագնահատել ձեր անձնական ներդրումը մեր երկրների միջև դաշնակցային հարաբերությունների ամրապնդման գործում։

Ուրախ կլինեմ շարունակել կառուցողական երկխոսությունը և սերտ համագործակցությունը։

Մաղթում եմ ձեզ քաջառողջություն, երջանկություն և բարեկեցություն: Օգտվելով առիթից՝ ցանկանում եմ իմ սրտանց ողջույնները փոխանցել ձեր ընտանիքին»։