Թուրքիայում տղամարդը պատանդ է վերցրել և հանդիպում է պահանջում ՆԳՆ ղեկավարի հետ (տեսանյութ)

Ստամբուլից 100 կմ հեռավորության վրա գտնվող մայրուղու մոտ ատրճանակով զինված տղամարդը պատանդ է վերցրել բեռնատարի վարորդին։ Այս մասին հաղորդում է Haber Global հեռուստաալիքը։

Հաղորդվում է, որ անհայտ անձը մի քանի կրակոց է արձակել օդ։ Դեպքի վայր ժամանած իրավապահները փորձում են համոզել նրան վայր դնել զենքերը։

Ինչպես հաղորդում է ՏԱՍՍ-ը՝ հեռուստաալիքին հղումով, տղամարդը հասցրել է պահանջներ ներկայացնել. անհայտ անձը հայտնել է, որ ցանկանում է հանդիպել Թուրքիայի ՆԳՆ ղեկավարի հետ՝ դա բացատրելով նրանով, որ իրեն խաբել են և «ցանկացել են սպանել»։