Ռուսաստանը կարող է փորձել հարձակվել Եվրոպայի վրա․ ԶԼՄ

Եվրոպական երկրներից մեկի հետախուզական ծառայությունը կարծում է, որ Ռուսաստանը կարող է հարձակվել Եվրոպայի վրա 2024/25 թվականների ձմռանը։ Այս մասին, Gazeta.ru–ի փոխանցմամբ, հայտնում է Bild-ը։

Հրատարակության աղբյուրը ենթադրում է, որ հարվածը կարող է հասցվել այն ժամանակ, երբ ԱՄՆ–ն կլինի «առանց առաջնորդի» և չի կարողանա անհապաղ օգնության հասնել եվրոպական երկրներին։

Խոսքը 2024 թվականի նոյեմբերի սկզբին ԱՄՆ ներկայիս նախագահի պաշտոնից հեռանալու և 2025 թվականի հունվարին նրա իրավահաջորդի կողմից պաշտոնը ստանձնելու միջև ընկած ժամանակահատվածի մասին է։

Ըստ հետախուզության անանուն պաշտոնյայի՝ Կրեմլը հույս ունի, որ նախկին նախագահ Դոնալդ Թրամփը կվերադառնա Սպիտակ տուն, քանի որ նրա օրոք «ամեն ինչ կարող է տեղի ունենալ»: