Գազայի հատվածում փախստականների ճամբարին Իսրայելի հարվածների հետևանքով` առնվազն 70 մարդ է զոհվել

Գազայի հատվածում առնվազն 70 մարդ է զոհվել իսրայելական զինվորականների կողմից փախստականների Ալ-Մաղազի ճամբարի գնդակոծության հետևանքով, հայտնում է The Times of Israel-ը։

«Առնվազն 70 մարդ է զոհվել անկլավի կենտրոնի՝ Ալ-Մաղազի ճամբարի վրա իսրայելական օդուժի հարձակման հետևանքով»,- հայտնում է հրատարակությունը։

The Times of Israel-ը գրում է, որ այս հարվածը կարող է համարվել Գազայում ընթացիկ բոլոր ռազմական գործողություններից ամենամահաբերներից մեկը։

Հոկտեմբերի 7-ին Գազայի հատվածում տեղակայված ՀԱՄԱՍ արմատական ​​խմբավորումը հարձակվել է Իսրայելի վրա։ Ի պատասխան՝ Իսրայելը ռազմական գործողություն սկսեց Համասի դեմ։

Նոյեմբերի 24-ից Գազայում հրադադար էր գործում, սակայն կողմերը չկարողացան հասնել դրա երկարաձգմանը, և ռազմական գործողությունները վերսկսվեցին դեկտեմբերի 1-ին։