Հայաստանի ամենահարուստ քաղաքապետերի թոփ 10-յակը

Նոր Հայաստանի պետական կառավարման համակարգում ստեղծվել է այնպիսի իրավիճակ, երբ քաղաքապետարանների ղեկավար կազմից հանրությունը սովորաբար ծանոթ է միայն բուն քաղաքապետերին, սակայն վերջիններիս հայտարարագրերը սովորաբար վրիպում են հանրության ուշադրությունից։ Այսօր կանդրադառնանք Հայաստանի 10 ամենահարուստ քաղաքապետերին: Եվ այսպես:

Դիցուք՝ Ջերմուկի համայնքապետ Վահագն Արսենյանը հայտարարագրել է ավտոկայանատեղի, բնակարան,  հողամաս, հասարակական նշանակության շինություն: 2021-ին գնված PORSCHE մակնիշի ավտոմեքենա: 480.128.00, 15,000,00, 100,000,00 դրամի և 500 եվրոյի արժեթուղթ: Հանձնված և վերադարձրած փոխառությունները «Ջերմուկ Գրուպ» ՓԲԸ-ից կազմել են 249,290,289,0 դրամ: Բանկային հաշվի մնացորդը կազմել է 326 հազար դրամ, 34 ԱՄՆ դոլար, 19 հազար ռուսական ռուբլի: Կանխիկ դրամը՝ 2 միլիոն ԱՄՆ դոլար, 12 միլիոն ՀՀ դրամ, 435 հազար եվրո, 5 միլիոն ռուսական ռուբլի: Եկամուտները տարվա կտրվածքով կազմել են 284,869,095,00 դրամ: 

Գյումրիի քաղաքապետ Վարդգես Սամսոնյանը հայտարարագրել է հետևյալ ունեցվածքն ու գույքը․

Երևանի քաղաքապետ Տիգրան Ավինյանի հայտարարագիրը նույնպես անչափ ուշագրավ է: Կոռուպցիայի կանխարգելման հանձնաժողով ներկայացված հայտարարագրից տեղեկանում ենք, որ Ավինյանը դեռևս 2014-ին ավտոտնակ է նվեր ստացել, 2021-ին գնել է 2014-ին արտադրված Honda մակնիշի ավտոմեքենա, որը հաշվետու տարում վաճառել է 11 հազար դոլարով։ Ավինյանն առանձնատուն ունի Երևանում՝ Արաբկիրում, 2022-ին 2021 թվականի արտադրության  Volkswagen մակնիշի ավտոմեքենա է նվեր ստացել, գործարքի մյուս կողմը նշվում է Արմեն Ավինյանի անունը։ Այսինքն՝ 19 մլն 300 դրամ (շուրջ 50 հազար դոլար) արժողությամբ մեքենան նվիրել է Ավինյանի հայրը։ Ավինյանի հայտարարագրած կանխիկ դրամը կազմել է 4,000.00 դոլար և 13,450,000.00 ՀՀ դրամ: Եկամուտները՝ 32,792,857.00 դրամ:

Էջմիածնի համայնքապետ Դիանա Գասպարյանն այնքան երկար է «տառապել» իր հայտարարագիրը պատշաճ տեսքի բերելու վրա, որ անգամ ուշացրել է այն և տուգանվել: Ինչևէ, տառապանքի պտուղներից երևում է, որ Գասպարյանը ևս լուրջ խնդիրներ ունի շարժական և անշարժ գույքի հետ: Փոխարենը՝ վերջինիս վրա քաղաքապետությունը դրական ազդեցություն է թողել՝ ֆինանսական մասով: Եթե պաշտոնը ստանձնելու պահին Գասպարյանը հայտարարագրել էր 1,695,517.00 դրամ, ապա տարեկան հայտարարագրում նա նշել է 3,245,422.00, ինչպես ասում են՝ աճը ակնհայտ է: 2022-ի հայտարարագիրը ոչ պակաս ուշագրավ է։

Վեդի համայնքի ղեկավար Գարիկ Սարգսյանը հայտարարագրել  է հողամաս, անհատական բնակելի տուն,  11 մլն դրամ աշխատավարձ, նրա բանկային հաշիվների մնացորդը կազմել է 2 միլիոն դրամ, կանխիկը՝ 700 հազար դրամ:

Արմավիրի քաղաքապետ Դավիթ Խուդաթյանի հայտարարագիրը կարող եք տեսնել ստորև։

Ըստ Իջևանի համայնքապետ Արթուր Ճաղարյանի ներկայացրած հայտարարագրի՝ նրա եկամտի աղբյուրը համայնքի ղեկավարի պաշտոնում ստացած աշխատավարձն է՝ 4 մլն 483 հազար դրամ (1 տարվա համար)։ Նա հայտարարագրել է 404 հազար դրամ դրամական միջոց։ Ճաղարյանը հայտարարագրել է նաև մեկ բնակելի տուն և հողամաս Տավուշի մարզի Բերքաբեր համայնքում, մեկ բնակարան և երկու հողակտոր էլ Իջևան քաղաքում։ Որևէ շարժական կամ թանկարժեք գույք Ճաղարյանը չի հայտարարագրել։ 

Վանաձորի համայնքապետի ԺՊ նշանակված Արկադի Փելեշյանը հայտարարագրել է հասարակական նշանակության շինությունը (բնակչության սոցիալական սպասարկման, ինչպես նաև վարչական ու հասարակական կազմակերպությունների տեղակայման համար նախատեսված շինությունը), 1,700,000.00 դրամի կանխիկ գումար, հաշվետու տարվա ընթացքում ստացված եկամուտը կազմել է 2,589,416.00 դրամ:

Ծաղկաձորի համայնքապետ Նարեկ Հարությունյանը հայտարարագրել է հողամաս, բնակարան` բազմաբնակարան բնակելի շենքում ֆիզիկական անձանց բնակության համար նախատեսված, իրավունքների պետական գրանցումն իրականացնող լիազոր մարմնում առանձին ծածկագրով գրանցված և համարակալված տարածք, անհատական բնակելի տուն` հողամասի վրա կառուցված, իր տնտեսական շինություններով:  Բացի այդ, պաշտոնյան հայտարարագրել է VAZ և OPEL մակնիշի ավտոմեքենաներ: Կանխիկ գումարը կազմել է 2,000,000.00 դրամ:  Հաշվետու տարվա եկամուտը՝ 3,634,800.00 դրամ:

Վայքի ղեկավար Մխիթար Մաթևոսյանը հայտարարագրել է VAZ մակնիշի ավտոմեքենա, 50,000,000.00 և 2,000,000.00 հանձնած ավանդ, բանկային հաշիվների մնացորդը կազմել է 300,000.00 դրամ: Կանխիկ գումարը՝ 500,000.00 դրամ: