Չեչնիան և Իրանը համատեղ ավիաընկերություն կստեղծեն

Չեչնիան և Իրանը կարող են ստեղծել միասնական ավիաընկերություն՝ կանոնավոր ավիափոխադրումների զարգացման շրջանակներում, հայտարարել է Չեչնիայի կառավարության նախագահ Մուսլիմ Խուչիևը Telegram-ի իր ալիքում։

«Իրանական Mahan Air-ի գործադիր տնօրեն Արաբնեջադ Հանուկի Համիդ Հոսեյնի հետ մենք նախանշել ենք Չեչնիայի և Իրանի միջև օդային հաղորդակցությունը զարգացնելու քայլերը: Մոտ ապագայում աշխատանքները կսկսվեն նախագծի իրականացման մեխանիզմները որոշելու համար»,- գրել է Խուչիևը:

Նա նշել է, որ Իրանի հետ տարածաշրջանի համագործակցությունը, ի լրումն կանոնավոր ավիափոխադրումների հաստատման, ներառում է համատեղ ավիաընկերության ստեղծում՝ ավիափոխադրումների ծախսերը նվազեցնելու համար։

Խուչիևը նաև ընդգծել է, որ հանրապետության ղեկավարությունը ակտիվ միջոցներ է ձեռնարկում օդային երթուղիների աշխարհագրությունը ընդլայնելու ուղղությամբ՝ բացելով նոր կանոնավոր միջտարածաշրջանային և միջազգային չվերթներ։ Իրականացվում է Գրոզնիի օդանավակայանի կառուցման և վերակառուցման նախագիծը, որից հետո օդանավակայանը կկարողանա ընդունել բոլոր տեսակի ինքնաթիռներ և տարեկան հասցնել ուղևորահոսքը մինչև 1,5 միլիոն մարդ։