Բիլ Քլինթոն, Թրամփ. ԱՄՆ–ում դատարանը գաղտնազերծել է «Էփշթեյնի ցուցակի» առաջին մասը
Համաշխարհային Մամուլ
Նյու Յորք նահանգի Հարավային շրջանի դաշնային դատավոր Լորետա Պրեսկան սկսել է հրապարակել դատական փաստաթղթեր, որոնք պարունակում են այն մարդկանց իրական անունները, որոնք կապված են ֆինանսիստ Ջեֆրի Էփշթեյնի գործի հետ, ով ինքնասպանություն է գործել 2019 թվականին սեռական ոտնձգության մեղադրանքով դատավարությանը սպասելիս:
ԱՄՆ նախկին նախագահներ Բիլ Քլինթոնի և Դոնալդ Թրամփի անուններն ավելի քան 50 անգամ հայտնվում են փաստաթղթերում։ «Մի անգամ նա ասել է, որ Քլինթոնը սիրում է երիտասարդներին, այսինքն՝ աղջիկներին», - ըստ փաստաթղթերի, ասել է վկա Ջոաննա Սյոբերգը: Նրա խոսքով՝ Եղիսաբեթ II թագուհու երկրորդ որդին՝ արքայազն Էնդրյուն, իրենց ծանոթության ժամանակ սեռական ոտնձգություններ է կատարել աղջկա նկատմամբ։
Հրապարակված փաստաթղթերի մեծ մասը ներառում է կանանց ցուցմունքներ, ովքեր սեռական բռնության են ենթարկվել Էփշթեյնի կողմից 1990-ական թվականներից մինչև 2008 թվականը։
Ընդհանուր առմամբ, Էփշթեյնի գործով ավելի քան 200 փաստաթղթեր կհրապարակվեն, իսկ հետագա հրապարակումները նախատեսվում են առաջիկա շաբաթներին:
Ամենադիտված 
Մնաս բարյավ. Րաֆֆի Հովհաննիսյան
