Ցուկերբերգը Meta–ի մոտ 1,28 միլիոն բաժնետոմս է վաճառել

Meta Platforms-ի հիմնադիր և ղեկավար Մարկ Ցուկերբերգը 2023 թվականի վերջին երկու ամսում վաճառել է իր ընկերության մոտ 1,28 միլիոն բաժնետոմս՝ ընդհանուր վաստակելով 428 մլն դոլար։ Այս մասին հայտնում է Bloomberg-ը՝ հղում անելով ԱՄՆ Արժեթղթերի հանձնաժողով (SEC) ներկայացված զեկույցներին։

Ըստ Bloomberg-ի՝ միջինում 2023 թվականի նոյեմբեր-դեկտեմբերին իրականացված գործարքներից յուրաքանչյուրը Ցուկերբերգին բերել է 10,4 մլն դոլար, իսկ դեկտեմբերի 28-ին Ցուկերբերգը 47664 բաժնետոմսի դիմաց ստացել է մոտ 17,15 մլն դոլար։

Bloomberg-ը Ցուկերբերգի՝ իր բաժնետոմսերի մի մասը  վաճառելու որոշումը բացատրում է նրանով, որ վերջին տարվա ընթացքում գնանշումները զգալիորեն աճել են և այժմ գտնվում են 2021 թվականին հասած առավելագույն մակարդակին մոտ: