ԱՄՆ-ն պատրաստվում է մեծ պատերազմի․ Politico

Վաշինգտոնը պատրաստվում է Մերձավոր Արևելքում մեծ պատերազմի։ Ամերիկյան վարչակազմը չի բացառում պաղեստինա-իսրայելական հակամարտության էսկալացիան, գրում է Politico թերթը՝ հղում անելով աղբյուրներին։

«Սպիտակ տանտ Գազայի հատվածում էլ ավելի մտահոգիչ իրավիճակին արձագանքելու ծրագիր են պատրաստում ԱՄՆ-ի համար: Իսրայելի հատուկ գործողությունը կարող է վերաճել ավելի ընդարձակ և ձգձգվող տարածաշրջանային հակամարտության»,- ասվում է հրատարակության մեջ:

Հրատարակության զրուցակիցների խոսքով՝ իշխանությունները ներքին քննարկումներ են անցկացնում Մերձավոր Արևելքում նոր պատերազմին ԱՄՆ-ի հնարավոր մասնակցության սցենարների շուրջ։ Մասնավորապես, զինվորականները Եմենում հուսիթների թիրախներին պատասխան հարվածներ հասցնելու ծրագիր են մշակում։

Հետախուզության պաշտոնյաներն իրենց հերթին ծրագիր են պատրաստում Իրաքում և Սիրիայում իրանամետ խմբավորումների կողմից ԱՄՆ-ի վրա հնարավոր հարձակումները հետ մղելու համար:

Վաշինգտոնը երկար ժամանակ կոչ է արել Թեհրանին համոզել իր կողմնակիցներին դադարեցնել հարձակումները, սակայն նման ակտիվության նվազման նշաններ չեն նկատվել:

Այս էսկալացիան կարող է հանգեցնել նրան, որ ԱՄՆ-ն ավելի շատ ներգրավվի Մերձավոր Արևելքի հակամարտությունում, քան անհրաժեշտ է՝ վտանգելով Բայդենի վերընտրությունը 2024 թվականի նոյեմբերին կայանալիք նախագահական ընտրություններում: