Հռոմի Ֆրանցիսկոս պապը քրիստոնյաներին միասնության կոչ է արել և ցավակցել Իրանին

Կաթոլիկ Աստվածհայտնության տոնի օրը Հռոմի պապ Ֆրանցիսկոսը կոչ է արել քրիստոնյաների միասնության և խաղաղության համար միասնական աղոթքի, գրում է ՏԱՍՍ-ը։

Հիշելով Երուսաղեմում Պողոս 6-րդ պապի՝ Կոստանդնուպոլսի տիեզերական պատրիարք Աթենագորասի հետ հանդիպման 60-ամյակը՝ Ֆրանցիսկոսն ասել է. «Քայլելով ձեռք ձեռքի տված՝ եկեք միասին աղոթենք խաղաղության համար Պաղեստինում և Իսրայելում, Ուկրաինայում: Չափազանց շատ մահեր և ավերածություններ կան»,- ասել է պոնտիֆիկոսը Սուրբ Պետրոսի հրապարակում գտնվող հավատացյալներին ուղղված տոնական պատարագից հետո:

Ֆրանցիսկոսը մտերմություն և կարեկցանք է հայտնել Իրանի ժողովրդին Իրանում տեղի ունեցած ահաբեկչությունից հետո, որի հետևանքով՝ զոհվել է մոտ 100 մարդ։ «Ես իմ հոգևոր մտերմությունն եմ հայտնում Քերմանում տեղի ունեցած ահաբեկչության բազմաթիվ զոհերի հարազատներին, բոլոր տուժածներին»,- ասել է Հռոմի պապը։