Ռազմական վերլուծաբանը զգուշացրել է 2024 թվականին նոր հակամարտությունների մասին

Ռազմական վերլուծաբան, Ռազմական գիտությունների ակադեմիայի ավագ գիտաշխատող Վլադիմիր Պրոխվատիլովն ասել է, որ 2024 թվականին աշխարհի քարտեզի վրա կարող են հայտնվել նոր թեժ կետեր։ Այս մասին նա հայտարարել է Ura.ru-ի հետ զրույցում։

Փորձագետը զգուշացրել է 2024 թվականին նոր հակամարտությունների մասին և ընդգծել, որ դրանք կարող են առաջանալ Մերձավոր Արևելքում և Կենտրոնական Ասիայում։ Նրա խոսքով՝ արեւմտյան երկրները Ղազախստանում հեղաշրջման ծրագիր են մշակում։

«Ինձ մտահոգում է իրավիճակը Կենտրոնական Ասիայում, որտեղ Միացյալ Նահանգները և Մեծ Բրիտանիան պարզապես ակտիվացել են բոլոր ուղղություններով և փորձում են Ղազախստանը պոկել Ռուսաստանից։ Չեմ բացառում, որ Արևմուտքը կփորձի կրկնել 2022 թվականի հունվարի հեղաշրջումը»,- նշել է նա։