Մասկը թմրանյութեր է օգտագործում․ ԶԼՄ

Ամերիկացի գործարար Իլոն Մասկը թմրանյութեր է օգտագործում, և նրա կախվածությունը անհանգստություն է առաջացնում Tesla-ի և SpaceX-ի տնօրենների խորհրդի անդամների շրջանում: Ձեռնարկատիրոջ շրջապատում կարծում են, որ նման պահվածքը վնասում է ոչ միայն նրա հեղինակությանը, այլև ողջ բիզնեսին։ Այս մասին գրում է The Wall Street Journal-ը (WSJ)՝ հղում անելով ընկերության աշխատակիցներին, ովքեր նախընտրել են անանուն մնալ։

Հրապարակման համաձայն՝ 2018-ից 2021 թվականներին Մասկը մասնակցել է փակ երեկույթների տարբեր երկրներում, որտեղ օգտագործել է թմրանյութեր։ Այսպես, WSJ-ն մեջբերում է մի դեպք, երբ ձեռնարկատերը պետք է ելույթ ունենար իր հարյուրավոր աշխատակիցների առջև, սակայն մեկ ժամ ուշացել էր։ Երբ նա ի վերջո բեմ է բարձրացել, նրա ելույթը անհասկանալի էր: Բացի այդ, թոփ մենեջերներից մեկը լքել է Մասկի ընկերությունը նրա կախվածության պատճառով։

Հրապարակումը պարզաբանում է, որ վեց ընկերությունները, ներդրողների՝ մոտ 1 տրիլիոն դոլարի ակտիվները, տասնյակ հազարավոր աշխատատեղերը և ԱՄՆ տիեզերական ծրագրի մի մասը կախված են Մասկի առողջությունից։