Հարավային Կորեայում արգելվել է շան մսի վաճառքն ու օգտագործումը

Հարավային Կորեայի խորհրդարանը օրինագիծ է ընդունել, որն արգելում է մորթելու նպատակով շների բուծումը, ինչպես նաև շների մսի վաճառքը։ 208 խորհրդարանականներ կողմ են քվեարկել նախաձեռնությանy, 2-ը՝ ձեռնպահ, հայտնում է Yonhap լրատվական գործակալությունը:

Նրանք, ովքեր շներ են բուծում մսամթերքի համար, կտուգանվեն մինչև 20 միլիոն վոնով (15,1 հազար դոլար): Նրանք, ովքեր ներգրավված են շների մսի վաճառքի մեջ, կարող են դատապարտվել երեք տարվա ազատազրկման կամ ստիպված լինեն վճարել մինչև 30 միլիոն վոն տուգանք (22,7 հազար դոլար):

Պատժամիջոցները կսկսեն իրականացնել 2027 թվականից:

Հարավային Կորեայում կա մոտ 1150 շների ֆերմա, 34 շան միս արտադրող գործարան, 219 դիստրիբյուտոր և մոտ 1600 ռեստորան, որտեղ կարելի է փորձել շան մսից պատրաստված ուտեստներ։

Ըստ հարցումների՝ Հարավային կորեացիների 93,4% -ը դեմ է շների մսի օգտագործմանը: