Զելենսկին ժամանել է Լիտվա
Համաշխարհային Մամուլ
Ուկրաինայի նախագահ Վոլոդիմիր Զելենսկին ժամանել է Լիտվայի մայրաքաղաք Վիլնյուս։ Ինչպես հաղորդում է ուկրաինական UNIAN գործակալությունը, նա նախատեսում է հանդիպել Լիտվայի նախագահի, ինչպես նաև Լիտվայի վարչապետի և Սեյմի խոսնակի հետ։
Ուկրաինայի նախագահին դիմավորել է Լիտվայի արտգործնախարար Գաբրիելիուս Լանդսբերգիսը։ Վոլոդիմիր Զելենսկին որպես Ուկրաինայի նախագահ՝ 4-րդ անգամ է այցելում Լիտվա։ Վերջին անգամ նա Լիտվայում եղել է 2023 թվականի հուլիսին՝ ՆԱՏՕ-ի գագաթնաժողովին։
Լիտվայի նախագահի մամուլի ծառայությունից հայտնում են, որ Լիտվայի նախագահ Գիտանաս Նաուսեդան և Վոլոդիմիր Զելենսկին կքննարկեն ռուս-ուկրաինական ռազմական հակամարտությունը, ինչպես նաև Ուկրաինային ֆինանսական աջակցության և ԵՄ-ին և ՆԱՏՕ-ին Ուկրաինայի ինտեգրման հարցը:
2023 թվականի սեպտեմբերին Լիտվայի իշխանությունները հայտարարեցին Ուկրաինային 500 միլիոն եվրոյի չափով ռազմական օգնության նոր փաթեթ հատկացնելու մասին: Բացի այդ, աշնանը Լիտվան Ուկրաինային փոխանցեց NASAMS միջին հեռահարության հրթիռների կայանքները:
Ամենադիտված 
Մնաս բարյավ. Րաֆֆի Հովհաննիսյան
