ՔՊ–ի՝ ամենապասիվ պատգամավորների տասնյակը

Իշխող «Քաղաքացիական պայմանագիր» կուսակցության պառլամենտական խմբակցությունում մշտապես ակտիվ և աչքի ընկնող պատգամավորների կողքին կան նաև այնպիսինները, որոնց մասին հանրությունը, կարելի է ասել, մոռացել է, քանի որ վերջիններս իրենց մասին հիշելու և խոսելու բավական քիչ առիթ են տալիս իրենց իսկ պասիվությամբ: Արտահերթ խորհրդարանական ընտրություններից անցել է մեկ տարի, վերլուծենք, թե ինչ ակտիվություն են դրսևորել այս ընթացքում ժողովրդի քվեով ԱԺ-ում հանգրվանած պատգամավորները: Տվյալները ներկայացված են բոլոր նստաշրջանների կտրվածքով:

Դիցուք՝ ՔՊ-ական պատգամավոր Մերի Գալստյանը բացակայել է 107 անգամ, ունեցել ընդամենը 1 ելույթ, տվել 0 հարց, հեղինակել 0 նախաձեռնություն: 

Հակոբ Ասլանյանը չի բացայակել, սակայն ունեցել է ընդամենը 0 ելույթ և տվել 1 հարց։

Նարեկ Գրիգորյանը բացակայել է 57 անգամ, տվել է 1 հարց և ունեցել 0 ելույթ։

Հռիփսիմե Գրիգորյանը բացակայել է 47 անգամ, տվել 2 հարց և ունեցել 1 ելույթ։

Դավիթ Դանիելյանը բացակայել է 80 անգամ, տվել 0 հարց և ունեցել 1 ելույթ։

Նարեկ Զեյնալյանը բացակայել է 0 անգամ, տվել 0 հարց և ունեցել 0 ելույթ։

Միքայել Թումասյանը բացակայել է 25 անգամ , տվել 0 հարց և ունեցել 0 ելույթ։

Կարեն Համբարձումյանը բացակայել է 37 անգամ, տվել 0 հարց և ունեցել  0 ելույթ։

Վահե Ղալումյանը բացակայել է 19 անգամ, տվել 0 հարց և ունեցել 0 ելույթ։

Էդգար Հակոբյանը բացակայել է 20 անգամ, տվել 0 հարց և ունեցել 0 ելույթ։