Փաշինյանի թիմակիցների մանիպուլյացիաները. Հայկ Ղալումյան

Շարունակելով ընթերցողի ուշադրությանը ներկայացնել այն պաշտոնյաներին, ովքեր, մեղմ ասած, անկեղծ չեն գտնվել հանրության հետ, փորձել են դիմել մանիպուլյատիվ հնարքների, խմբագրել սեփական հայտարարություններն ու քայլերը՝ այսօր կանդրադառնանք Տավուշի մարզպետ, Նիկոլ Փաշինյանի քավոր՝ Հայկ Ղալումյանին:

Սկսենք  նրանից, որ Հայկ Ղալումյանի հերքումներն այնքան հեռու են գնացել, որ վերջինս անգամ մինչ իր նշանակումը հերքում էր այդ մասին տարածվող լուրերը և, թերևս, պետք է որ անչափ զարմացած լիներ, երբ այդ հերքումներից հետո ընդամենն օրեր անց ստանձնեց սույն պաշտոնը: Կա՛մ Ղալումյանը պաշտոնը ստանձնելու նախօրեին էր իմացել, որ իրեն նման կարիերային թռիչք է սպասվում և, իհարկե, միանգամից համաձայնվել է, կա՛մ վերջինս փորձում էր մոլորեցնել հանրությանը և ԶԼՄ-ի ներկայացուցիչներին:

Թեև Հայկ Ղալումյանի եղբայրը՝ Վահե Ղալումյանը, պնդում էր, որ Տավուշի մարզից որոշ գյուղեր են հանձնվելու Ադրբեջանին,

նրա եղբայրը՝ մարզպետ Ղալումյանը, չի ցանկանում մեկնաբանել այդ հարցը։

Տավուշի մարզպետ Հայկ Ղալումյանը 2021 թվականի օգոստոսի 19-ին որոշում էր ստորագրել, որով փոփոխություններ են կատարվել ՀՀ  Տավուշի մարզի վտանգավոր տարածքներից բնակչության տարհանման մասին նախորդ որոշման մեջ։

Ղալումյանը նախ ստորագրել է 246-Ա որոշումը.

Ավելի ուշ, մարզում տագնապ տարածելուց հետո, Տավուշի մարզպետարանը պարզաբանում է տարածել՝ փորձելով հանգստացնել հանրությանը և պնդելով, որ այս փաստաթղթով որևէ տարհանում չի նախատեսվում: Սակայն, հանրությունը քաջատեղյակ լինելով Ղալումյան եղբայրների մոտեցումներին՝ անկլավների լինել-չլինելու հետ կապված, միևնույն է շարունակեց անգամ այս պարզաբանումից հետո օր օրի վատ նորությունների սպասել...

Շարունակելի...