ԱՄՆ-ն նոր հարված է հասցրել Եմենին
Համաշխարհային Մամուլ
Եմենի մայրաքաղաք Սանայի հյուսիսային հատվածում պայթյուններ են լսվել, հաղորդում է Al Mayadeen-ի թղթակիցը։ Հեռուստաալիքի` Եմենի գրասենյակի ղեկավարը հայտնել է, որ տեղեկություններ են ստացվել հրթիռային կամ օդային հարվածների մասին Ալ-Դեյլամի ավիաբազային, որը գտնվում է Սանայի միջազգային օդանավակայանի մոտ։
Al Manara հեռուստաալիքը, հղում անելով տեղի աղբյուրներին և ականատեսներին, հայտնում է, որ մի շարք ուժեղ պայթյուններ են տեղի ունեցել Սանայի և Հոդեյդայի մի քանի շրջաններում։ Հեռուստաալիքի աղբյուրների համաձայն՝ ռմբակոծության թիրախներն են եղել Ալ-Դայլամի ավիաբազան, Հոդեյդա օդանավակայանը, ինչպես նաև առափնյա ռադարներ և մոնիտորինգի կետեր։
Al Masirah-ը գրում է, որ ԱՄՆ-ի և Մեծ Բրիտանիայի զինված ուժերը կրկին հարվածներ են հասցնում։
CNN-ը, վկայակոչելով ամերիկացի պաշտոնյային, հայտնում է, որ Վաշինգտոնը միակողմանիորեն լրացուցիչ հարվածներ է հասցրել «շատ ավելի փոքր մասշտաբով, քան նախորդ գիշեր»։
Հեռուստաալիքի զրուցակցի խոսքով՝ թիրախները ռադարային կայանքներն են, որոնք օգտագործում էին հութիները։ Եմենին ԱՄՆ հարվածը Reuters-ին հաստատել են նաև երկու պաշտոնյաներ։
Պենտագոնի երկու պաշտոնյաներ NBC News-ին ասել են, որ հարվածները հասցվել են ամերիկյան ռազմանավից և թիրախավորված ռադարից:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
