«Մարդիկ թատրոնում սիրահարվում են, և այդ սերը հավերժ է». Ազատ Գասպարյան

«Թատրոնում շփումը հանդիսատեսի հետ ակտիվ է, սակայն չկա հոգեմաքրում, չկա այն կրակը, որը պետք է լինի», – այսօր «Հայելի» մամուլի ակումբում տեղի ունեցած ասուլիսի ժամանակ իր մտահոգությունները հայտնեց դերասան Ազատ Գասպարյանը։

Դերասանը նշեց, որ կան ներկայացումներ, որոնք շատ քիչ են բեմադրվում՝ ավելացնելով, որ եթե արվեստի ճյուղերից թատրոնն առաջ գա, ապա մյուս ճյուղերը նույնպես առաջ կգան. «Սակայն թատրոնն ուշանում է», – նկատեց դերասանը։

Նրա խոսքերով՝ մենք բոլորս պետք է ակտիվանանք՝ թատրոնի հետ կապն ամրապնդելու համար։

«Մարդիկ թատրոնում սիրահարվում են, և այդ սերը հավերժ է», – շեշտեց Ազատ Գասպարյանը։

Նա նշեց, որ Հայրենական պատերազմից հետո մարդիկ հագուստ չունեին և տեղ–տեղ կարկատած հագուստներ էին հագնում, և 2011–ը մշակույթի համար կարող է միմիայն տեղ–տեղ շնորհավորել։ «Ես նոր հագուստ եմ ուզում», – եզրափակեց դերասանը։