Չինաստանը ԱՄՆ-ին կոչ է արել կատարել իր պարտավորությունները
Համաշխարհային Մամուլ
Չինաստանը կոչ է անում ԱՄՆ-ին կատարել իր բոլոր պարտավորությունները Թայվանի հարցում և կեղծ ազդանշաններ չուղարկել Թայվանի անջատողականներին, երկուշաբթի օրը կայացած ճեպազրույցում ասել է Չինաստանի ԱԳՆ խոսնակ Մաո Նինգը, գրում է ՌԻԱ Նովոստին։
ԱՄՆ պատվիրակությունը, որի կազմում են պետքարտուղարի նախկին տեղակալ Ջեյմս Սթայնբերգը և Ազգային անվտանգության նախկին խորհրդական Սթիվեն Հեդլին, Թայվան է ժամանել հունվարի 14-ին։ Նրանք հանդիպել են կղզու վարչակազմի ներկայիս ղեկավար Ցայ Ինգ Վենի և կղզու վարչակազմի ընտրված ղեկավար Լայ Ցինդեի հետ։
«Չինաստանը միշտ դեմ է եղել ԱՄՆ-ի և Թայվանի միջև պաշտոնական շփումների ցանկացած ձևի և վճռականորեն դեմ է Թայվանի գործերին ԱՄՆ միջամտությանը ցանկացած ձևով կամ պատրվակով», - ասել է Մաո Նինգը:
Նա նշել է, որ «Չինաստանը կոչ է անում Միացյալ Նահանգներին ընդունել Թայվանի հարցի բարդությունն ու զգայունությունը» և պահպանել «մեկ Չինաստան» սկզբունքը և չին-ամերիկյան երեք համատեղ կոմյունիկեի դրույթները։
«Մենք կոչ ենք անում կատարել ձեր պարտավորությունները և չաջակցել Թայվանի անկախությանը, ինչպես բազմիցս խոստացել են ամերիկացի առաջնորդները, չաջակցել «երկու Չինաստան» կամ «մեկ Չինաստան, մեկ Թայվան» սկզբունքին և չփորձել Թայվանը վերածել Չինաստանին զսպելու զենքի»,- ասել է դիվանագետը։
Ամենադիտված 
Մնաս բարյավ. Րաֆֆի Հովհաննիսյան
