Իսլանդիայում հրաբխի ժայթքման հետևանքով՝ 3 տուն է այրվել
Համաշխարհային Մամուլ
Իսլանդական Ռեյկյանես թերակղզում հրաբխի ժայթքման հետևանքով` վնասվել է Գրինդավիկ քաղաքի ենթակառուցվածքը, և առնվազն երեք տուն թաղվել է լավայի տակ։ Այս մասին հայտնել է RUV հեռուստառադիոընկերությունը։
«Ենթակառուցվածքն արդեն զգալի վնաս է կրել։ Գրինդավիկը չունի տաք ջուր և էլեկտրականություն, իսկ այսօր առավոտյան ժայթքումից առաջ քաղաքը տուժել է սողանքից: Երեք տուն ծածկվել է լավայով այն բանից հետո, երբ այսօր կեսօրին քաղաքի մոտ ճեղքվածք է բացվել:
Միևնույն ժամանակ, Իսլանդիայի օդերևութաբանական բյուրոյի տվյալներով, Գրինդավիկից հյուսիս շարունակում են ժայթքել երկու ճեղքվածքներ, որոնցից մեկի լավան հոսում է քաղաք և վնասներ պատճառում։ Հաղորդվում է, որ մագմայի քանակի և լավայի հոսքի արագության վերաբերյալ ճշգրիտ տվյալներ կտրվեն ավելի ուշ։
Ավելի վաղ հայտնել էինք, որ Իսլանդիայի հարավում գտնվող Ռեյկյանես թերակղզում երկրաշարժից հետո հրաբխի ժայթքում է սկսվել։ Սա վերջին երեք տարվա ընթացքում թերակղզում չորրորդ հրաբխային ժայթքումն է։
Ամենադիտված 
Մնաս բարյավ. Րաֆֆի Հովհաննիսյան
