Երևանում ապրելն ավելի թանկ արժե, քան Մոսկվայում. Numbeo.com

Երևանում ապրելն ավելի թանկ արժե, քան Մոսկվայում։ Այս մասին տեղեկանում ենք Numbeo.com-ում հրապարակված տվյալներից։

2023 թվականին Երևանում ապրելն ավելի թանկ է արժեցել, քան, օրինակ, Մոսկվայում։ Մեկ անձին  կյանքի նույնական որակ ապահովելու համար Երևանում պահանջվում է 3246,3 դոլար, Մոսկվայում՝ 2909,4 դոլար։ Այդ գումարի մեջ մտնում է նաև բնակարանի վարձակալությունը, որը Երևանի կենտրոնում մեկ սենյակի համար հատել է հազար դոլարի շեմը։

Ռեստորանները Երևանում 21,8 տոկոսով ավելի բարձր գներ ունեն, քան Մոսկվայում։ Սննդամթերքը Երևանում Մոսկվայի համեմատ թանկ է 17,6 տոկոսով։ Տեղի բնակչության գնողունակությունը Երևանում 56,9 տոկոսով ցածր է, քան Մոսկվայում։

Տարածաշրջանում նույնպես տների վարձակալության ամենաթանկ գները Երևանում են։ Կենտրոնում մեկ սենյականոց բնակարանի վարձակալությունը 2023 թվականին ամիսը միջինում կազմել է 979 դոլար, Մոսկվայում՝ 772 դոլար։