Բայդենը զայրացած է Նեթանյահուի վրա և գրեթե մեկ ամիս է՝ չի խոսել նրա հետ․ Daily Mail

ԱՄՆ նախագահ Ջո Բայդենը գրեթե մեկ ամիս է՝ չի շփվել Իսրայելի վարչապետ Բենիամին Նեթանյահուի հետ, քանի որ Սպիտակ տան ղեկավարի համբերությունը «սպառվել է» Իսրայելի կողմից Գազայի հատվածի անդադար ռմբակոծությունների պատճառով, հայտնում է Daily Mail-ը։

Բայդենը, Իսրայելի վրա ՀԱՄԱՍ-ի հարձակումից հետո, լիակատար աջակցություն ցուցաբերեց այս երկրի իշխանություններին, սակայն այժմ ամերիկացի առաջնորդը զայրացած է, որ Նեթանյահուն շարունակում է մերժել իր առաջարկները։

Վերջին անգամ առաջնորդները խոսել են դեկտեմբերի 23-ին, երբ Իսրայելի վարչապետը մերժել էր Ամերիկայի նախագահի խնդրանքը։ Այն ժամանակ զայրացած Բայդենը հեռախոսազրույցն ավարտել էր «այս խոսակցությունն ավարտված է» բառերով։