Թուրքիայի պատվիրակությունը կայցելի Ռուսաստան
Համաշխարհային Մամուլ
Թուրքիայի պատվիրակությունն այս շաբաթ կժամանի Ռուսաստան՝ քննարկելու գազային հանգույցի նախագծի մանրամասները: Այս մասին հայտնում է РИА Новости-ն։
«Այս տեսչական այցի արդյունքներով ակնկալվում է, որ կպատրաստվի ծրագրի իրականացման գործողությունների օրացույց և կարագացվի աշխատանքը»,- լրագրողներին ասել է աղբյուրը։
2022 թվականի հոկտեմբերին Թուրքիայում գազային հանգույց ստեղծելու նախաձեռնությամբ հանդես է եկել Ռուսաստանի նախագահ Վլադիմիր Պուտինը։ Ռուսաստանի ղեկավարի խոսքով՝ նման հանգույցը կարող է հարթակ դառնալ այլ երկրներ, մասնավորապես՝ եվրոպական գազի մատակարարման համար։
2023 թվականի նոյեմբերին ՌԴ փոխվարչապետ Ալեքսանդր Նովակը հայտարարել էր, որ Մոսկվան և Անկարան շուտով կարող են համաձայնության գալ ճանապարհային քարտեզի շուրջ։
Հունվարի 1-ին հաղորդվեց, որ «Գազպրոմը» և թուրքական կողմը պայմանավորվել են պատրաստել թուրքական գազային հանգույցի ճանապարհային քարտեզը, որը կընդունվի մոտ ապագայում։
Հաղորդագրության մեջ նշվում էր, որ նախագիծը կարող է սկսվել 2025 թվականի սկզբին։
Ամենադիտված 
Մնաս բարյավ. Րաֆֆի Հովհաննիսյան
