Ռուսաստան-Չինաստան հարաբերությունները պատմության մեջ լավագույն շրջանն են ապրում. Լավրով

Ռուսաստանի և Չինաստանի հարաբերությունները պատմության մեջ լավագույն շրջանն են ապրում, հայտարարել է ՌԴ ԱԳ նախարար Սերգեյ Լավրովը, գրում է Regnum-ը։

«Չինաստանի հետ հարաբերություններն իրենց դարավոր պատմության լավագույն շրջանն են ապրում», - ասել է նա 2023 թվականին ռուսական դիվանագիտության արդյունքների ամփոփմանը հաջորդած մամուլի ասուլիսում։

Նախարարն ընդգծել է, որ Մոսկվայի համար հատկապես արժեքավոր է, որ Սի Ծինփինը Չինաստանի Ժողովրդական Հանրապետության նախագահի պաշտոնում վերընտրվելուց հետո իր առաջին պետական ​​այցը կատարեց Ռուսաստան 2023 թվականի մարտին։

Դեկտեմբերի 31-ին Պուտինը և Չինաստանի նախագահ Սի Ծինփինը շնորհավորական հեռագրեր են փոխանակել գալիք Ամանորի կապակցությամբ։ Սի Ծինփինը նշել է, որ ռուս-չինական հարաբերությունները շարունակել են կայուն զարգանալ անցած տարվա ընթացքում՝ չնայած միջազգային անհանգիստ իրավիճակին։

Չինաստանի ղեկավարը հավելել է, որ պատրաստ է շարունակել սերտ հարաբերություններ պահպանել Պուտինի հետ՝ հիշեցնելով, որ 2024 թվականին կլրանա Ռուսաստանի և Չինաստանի միջև դիվանագիտական ​​հարաբերությունների հաստատման 75 տարին։