Փաշինյանի թիմակիցների մանիպուլացիաները. Սիսիան Պողոսեան

Շարունակելով ընթերցողի ուշադրությանը ներկայացնել այն պաշտոնյաներին, ովքեր, մեղմ ասած, անկեղծ չեն գտնվել հանրության հետ, փորձել են դիմել մանիպուլյատիվ հնարքների, խմբագրել սեփական հայտարարություններն ու քայլերը՝ այսօր կանդրադառնանք Զբոսաշրջության կոմիտեի նախագահ Սիսիան Պողոսեանի աշխատանքին։

Նրա նշանակումը հանրությանը հրամցվեց իբրև նոր էջ Հայաստանի զբոսաշրջային քաղաքականության իրացման մեջ, բավական մեծ հույսեր էին կապվում սփյուռքում աշխատած և բավական մեծ փորձ ունեցող անձի տպավորություն թողած Պօղոսեանի հետ: Սակայն, պետք է փաստենք, որ կոմիտեի անգործությունը չի կարող աչքի չզարնվել: Դիցուք՝ կոմիտեի ֆեյսբուքյան էջում տեղադրվում է նյութ, որում ռուս լրագրողը ներկայացնում է Հայաստանի բնության բարիքները և կիսվում  մեր երկրից ունեցած իր տպավորություններով: Ինչպես հասկանում ենք՝ դա լրագրողի անձնական նախաձեռնությունն էր և այդ նյութի ստեղծման գործում կոմիտեն որևէ ներդրում չունի, սահմանափակվել են նյութը կիսվելով: Դրանից էլ գոհ լինենք:

Այնուհետև նույն ֆեյսբուքյան էջում հանդիպում ենք Ֆլայ Առնայի չվացուցակի, գնացուցակի մասին տեղեկությունների, թե ինչու է զբոսաշրջության կոմիտեն կիսվում այդ տեղեկությամբ՝ նույնպես դժվար է ասել, չէ՞ որ դրա համար կա ավիափոխադրողի կայքը և կոմիտեն չէ, որ պետք է զբաղվի ավիափոխադրողի փիառով:

Ամենաուշագրավը, սակայն, կոմիտեի կողմից ներկայացված պաշտոնական վիճակագրությունն է, որի մեջ որոշակի մանիպուլյատիվ տարրեր են առկա: Դիցուք՝ ըստ կոմիտեի տվյալների՝ 2022 թվականին Հայաստան է այցելել 1.67 միլիոն զբոսաշրջիկ և նրանց մեծ մասը ՌԴ-ից։ Ըստ էության, այս թվի մեջ ներառվել են ռուս-ուկրաիանական պատերազմի ֆոնին ՌԴ-ից Հայաստան տեղափոխված քաղաքացիները, ովքեր բնավ էլ զբոսաշրջությանը զարկ տալու նպատակով չէին գալիս մեր երկիր, այլ առավել անվտանգ հանգրվան գտնելու նպատակով: 

Շարունակելի...