ՆԱՏՕ-ն 90 000 զինվորի մասնակցությամբ զորավարժություններ կանցկացնի Ռուսաստանին զսպելու համար
Համաշխարհային Մամուլ
ՆԱՏՕ-ն, Ռուսաստանին զսպելու նպատակով, ցանկանում է մոբիլիզացնել մոտ 90 000 զինծառայող փետրվարին մեկնարկող խոշոր զորավարժությունների համար: Այս մասին հայտնել է գերմանական N-TV հեռուստաալիքը։
Ինչպես նշվում է, այս մասին գործակալությունը տեղեկացել է Բրյուսելում Հյուսիսատլանտյան դաշինքի բարձրաստիճան զինվորականների հանդիպման շրջանակում։
Հեռուստաալիքը, հղում անելով DPA-ին, նշում է, որ «Կայուն պաշտպան» կոչվող զորավարժությունները ռազմական բլոկում ամենախոշորն են լինելու «Սառը պատերազմի» ավարտից ի վեր։ Ինչպես նշվում է, կկիրառվի ազգային և բազմազգ ցամաքային զորքերի պատրաստականությունը և տեղակայումը:
Հավելվում է, որ զորավարժությունների սցենարը լինելու է Ռուսաստանի հարձակումը դաշնակիցների տարածքի վրա։ Հյուսիսատլանտյան պայմանագրի 5-րդ հոդվածի համաձայն, «Եվրոպայում կամ Հյուսիսային Ամերիկայում նրանցից մեկի կամ մի քանիսի դեմ զինված հարձակումը կհամարվի «ամբողջական հարձակում բոլորի դեմ»:
Ամենադիտված 
Մնաս բարյավ. Րաֆֆի Հովհաննիսյան
