Պաղեստինյան պետության ստեղծումն անհնար է. Նեթանյահու

Իսրայելի վարչապետ Բենիամին Նեթանյահուն ազգային մամուլի ասուլիսի ժամանակ ասել է, որ հնարավոր չի համարում Գազայի հատվածում գործողության ավարտից հետո պաղեստինյան պետության ստեղծումը, և այդ դիրքորոշումը նա բացատրել է ԱՄՆ-ին։

«Նեթանյահուն մերժել է պաղեստինյան պետականության գաղափարը: Նա ասել է, որ այդ դիրքորոշումը հայտնել է ամերիկացիներին», - հաղորդում է Associated Press-ը:

«Համաձայն ապագա ցանկացած համաձայնագրի՝ Իսրայելին անհրաժեշտ է անվտանգության հսկողություն Հորդանան գետի արևմուտքում գտնվող ողջ տարածքի նկատմամբ: Դա հակասում է ինքնիշխանության գաղափարին: Այսպիսով, ի՞նչ կարող ենք անել: Վարչապետը պետք է կարողանա ասեք «ոչ» մեր ընկերներին»,- նրա խոսքերը մեջբերում է գործակալությունը։

Միաժամանակ, ըստ The Times of Israel-ի, Նեթանյահուն նշել է, որ նման քաղաքականությունը չի խանգարի Իսրայելին շարունակել բարելավել հարաբերությունները արաբական պետությունների հետ։