Ռուսաստանը ծրագրում է լայնածավալ հարձակում 2024 թվականի ամռանը․ FT

Ռուսական զորքերը, ամենայն հավանականությամբ, ծրագրում են լայնածավալ հարձակում Ուկրաինայում 2024 թվականի ամռանը, գրում է Financial Times-ը՝ վկայակոչելով ուկրաինացի պաշտոնյաներին:

Նրանց վարկածի համաձայն՝ Ռուսաստանը կփորձի գրավել Ուկրաինայի չորս շրջանների՝ Դոնեցկի, Լուգանսկի, Խերսոնի և Զապորոժիեի մնացած տարածքները, որոնց միացման մասին հայտարարել էր 2022 թվականի սեպտեմբերին։ FT-ի զրուցակիցները չեն բացառել, որ ռուսական զորքերը կփորձեն գրավել Խարկովը կամ նույնիսկ Կիևը։

Հրապարակման մեջ նշվում է, որ, ըստ ամերիկյան հետախուզության, Ռուսաստանի նախագահ Վլադիմիր Պուտինի վերջնական նպատակն Ուկրաինայում՝ «նվաճել երկիրը և ստրկացնել նրա ժողովրդին», մնում է անփոփոխ։ Այս մասին ասվում է ԱՄՆ հետախուզության գաղտնազերծված զեկույցում, որը FT-ն ուսումնասիրել է 2023 թվականի դեկտեմբերին։ Փաստաթղթում ասվում է, որ հենց այդ պատճառով է, որ Ռուսաստանը շարունակում է Ուկրաինայի արևելքում առաջխաղացումը մի քանի ուղղություններով, այդ թվում՝ Ավդիիվկայի շուրջ, ինչպես նաև Լիմանի և Կուպյանսկի ուղղությամբ։