Չինաստանում հրդեհի պատճառով՝ գիշերօթիկի 13 սան է զոհվել

Առնվազն 13 մարդ է զոհվել Չինաստանի կենտրոնական Հենան նահանգի դպրոցի հանրակացարանում բռնկված հրդեհի հետևանքով, հայտնում է Xinhua-ն։

Հունվարի 19-ին՝ տեղական ժամանակով 23:00-ին (Երևանի ժամանակով՝ 19:00-ին), Նանյան քաղաքի Ֆանչեն շրջանի դպրոցի հանրակացարանում ահազանգ է հնչել: Փրկարարները կրակը մարել են 38 րոպե անց, գրում է գործակալությունը։

Բացի 13 մահացածներից՝ մեկ մարդ վիրավորվել է։ Նա այս պահին հիվանդանոցում է։ Վիճակը գնահատվում է՝ որպես կայուն։

Տեղի իշխանությունները սկսել են միջադեպի պատճառների հետաքննությունը։