Հայոց ցեղասպանության թանգարան-ինստիտուտն ունի իր թեկնածուն տնօրենի պաշտոնում
Գիտություն և Մշակույթ
Հայոց ցեղասպանության թանգարան-ինստիտուտի հոգաբարձուների խորհուրդը հայտարարել է մրցույթ` «Հայոց ցեղասպանության թանգարան-ինստիտուտ» հիմնադրամի տնօրենի թափուր պաշտոնի համար։
Տնօրենի թափուր պաշտոնի համար հայտարարված մրցույթին կարող են մասնակցել ՀՀ այն քաղաքացիները, ովքեր ունեն՝ գիտական աստիճան` հայագիտության կամ հումանիտար-հասարակագիտական գիտությունների բնագավառում, առնվազն 5 տարվա գիտական աշխատանքի փորձառություն, եւ ցեղասպանագիտության ոլորտում գիտական աշխատանքներ:
Ինչպես տեղեկանում ենք թանգարան-ինստիտուտի էջից, օրերս տեղի է ունեցել ՀՑԹԻ անձնակազմի ժողով: Քննարկման արդյունքում միաձայն որոշվել է առաջարկել գիտական աշխատանքների գծով փոխտնօրեն Էդիտա Գզոյանին ներկայացնել իր թեկնածությունը Հիմնադրամի տնօրենի թափուր պաշտոնի մրցույթին՝ հաշվի առնելով նրա գիտական ձեռքբերումները և վերջին հինգ տարիներին ունեցած վարչակառավարչական փորձառությունը:
Մրցույթին հայտեր ներկայացնելու վերջնաժամկետն է` փետրվարի 2-ը, իսկ տնօրենի ընտրությունը նախատեսված է` փետրվարի 12-ին, Հայոց ցեղասպանության թանգարան-ինստիտուտի շենքում:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
