Խոզաբուծական ֆերմայից մոտ 22 տոննա կոկաին է առգրավվել
Աշխարհ
Էկվադորի բանակի զինծառայողներն ավելի քան մեկ միլիարդ դոլար արժողությամբ մոտ 22 տոննա կոկաին են հայտնաբերել Լոս Ռիոս նահանգում գտնվող ֆերմայում, ասվում է զինված ուժերի հայտարարության մեջ։
«Էստերո Լագարտոյում ռազմական գործողության արդյունքները մինչ այժմ ցույց են տվել հետևյալը. գրեթե 22 տոննա կոկաինի հիդրոքլորիդ՝ փաթեթավորված 733 տոպրակի մեջ։ Ենթադրվում է, որ այդ նյութը կարող էր առաքվել Ասիայի, Եվրոպայի, Հյուսիսային և Կենտրոնական Ամերիկայի շուկաներ՝ ցածր հզորության թեթեւ ինքնաթիռների օգնությամբ»,- ասվում է X սոցիալական ցանցում Էկվադորի բանակի տարածած հաղորդագրության մեջ։
Գործողությունը ռազմական հետախուզության վեց ամսվա աշխատանքի արդյունք էր և, ըստ բանակի գնահատականների, ավելի քան մեկ միլիարդ ԱՄՆ դոլարի վնաս է պատճառել թմրանյութերի առևտրով զբաղվողներին: Առգրավված բեռը ամենամեծն է երկրի պատմության մեջ։
UHN հեռուստաալիքն իր ռեպորտաժում հայտնել է, որ բանակի գործողությանը մասնակցել է մոտ 150 զինվոր։
Ամենադիտված 
Մնաս բարյավ. Րաֆֆի Հովհաննիսյան
