Փաշինյանի թիմակիցների մանիպուլյացիաները. Արթուր Ճաղարյան

Շարունակելով ընթերցողի ուշադրությանը ներկայացնել այն պաշտոնյաներին, ովքեր, մեղմ ասած, անկեղծ չեն գտնվել հանրության հետ, փորձել են դիմել մանիպուլյատիվ հնարքների, խմբագրել սեփական հայտարարություններն ու քայլերը՝ այսօր կանդրադառնանք Իջևանի քաղաքապետ Արթուր Ճաղարյանին:

Թեև Ճաղարյանը տեղավորվում է նախկին պաշտոնյա ձևակերպման մեջ, այնուամենայնիվ հեղափոխությունից հետո նա մեծ հոժարակամությամբ մնաց և սկսեց աշխատել արդեն ՔՊ-ականների հետ՝ ընտրություններում դառնալով ՔՊ-ի միակ թեկնածուն, արդյունքում էլ ընտրվելով արդեն քաղաքապետի պաշտոնում: Ժամանակին նա իր բազմաթիվ գործընկերների պես կենացներ են բարձրացնում Արցախի և Հայաստանի անվտանգության պատվին, պնդում, որ անվտանգության ապահովումը, այն էլ սահմանամերձ շրջաններում, պետք է լինի իշխանությունների առաջնահերթությունների շարքում: Այսօր, երբ Արցախի գոյությունը դրված է հարցականի տակ, իսկ իր մարզի մի շարք գյուղեր իշխանություններն անկլավների անվան տակ պատրաստվում են հանձնել Ադրբեջանին՝ Ճաղարյանը լռում է, թեև, կարծես թե, հենց ինքն էր պնդում ժամանակին, որ անվտանգության ապահովումը պետք է լինի իշխանությունների առաջնահերթությունը: Ինչպես տեսնում ենք, գործ ունենք հերթական դրվագի հետ, երբ պաշտոնյայի համար առավել կարևոր է սեփական աթոռը և ոչ թե սկզբունքայնությունը:

Մինչ իջևանցիները սպասում էին, թե երբ են տարիներ շարունակ իրենց կուտակած խնդիրները պրակտիկ լուծում ստանալու, Ճաղարյանը լրիվ այլ առաջնահերթություններ էր գույքագրում: Դիցուք՝ նա դեռեւս համայնքապետի պաշտոնակատար եղած ժամանակ՝ 2021 թվականին, ձեռք է բերել «Տոյոտա Պռադո» մակնիշի ծառայողական ավտոմեքենա, այն դեպքում, երբ համայնքապետարանն ունեցել է մեկ այլ՝ մի քիչ ավելի ցածր դասի «Տոյոտա»։ Սակայն ուշագրավ է, որ Իջեւանի համայնքապետարանի գնումների տեղեկագրի մեջ այս մասին ոչ մի ինֆորմացիա չկա, եւ, առհասարակ, 2020-ից այս կողմ որեւէ գնման մասին տեղեկություն չկա։ Այնինչ, բոլոր գնումները պետք է հրապարակվեին, քանզի որեւէ իշխանություն հանրային միջոցների ծախսը չպետք է թաքցնի հանրությունից, առավել եւս՝ արդարության մասին լոզունգներով իշխանության եկած ՔՊ-ականները։

Շարունակելի...

Այս թեմայով Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Ճիշտ առաջնորդություն ու ճիշտ կազմակերպում և ամեն ինչ կարող ենք վերադարձնել․ Խաչատրյան «Ժողովուրդ». Արթուր Երիցյանի որդին ՀՀ քաղաքացի չէ․ ի՞նչ է հայտարարագրել որդուն բանակից ազատած հերթական ՔՊ-ականը «Կեղծ, բացառապես քաղաքական նպատակներով կալանավորված Գերասիմ Վարդանյանն արդեն 100 օր ճաղերի հետևում է». Արթուր Խաչատրյան «Շատ կուզեի Արթուր Գրիգորյանի կյանքի վերջին ժամերին իր կողքին լինեի ու ձեռքը բռնեի, չհասցրի». Նունե Եսայան