Արգենտինայում կանցկացվի առաջին համազգային գործադուլը

Այսօր Արգենտինան ականատես կլինի իր առաջին համազգային գործադուլին՝ ընդդեմ Խավիեր Մայլիի կառավարության կողմից իրականացվող արմատական ​​բարեփոխումների, հայտնում են միջազգայիչն ԶԼՄ-ները:

Ամենամեծ արհմիությունները, հասարակական շարժումները և քաղաքական կազմակերպությունները միջոցառման ամսաթիվը հայտարարել են անցյալ տարվա վերջին։

Զանգվածային բողոքի խթան են հանդիսացել Արգենտինայի նոր կառավարության օրենսդրական նախաձեռնությունները, որոնք «շոկային թերապիայի» ռեժիմով, ազատատենչ առաջնորդի մտահղացմամբ, պետք է լուծեն երկրի բոլոր տնտեսական խնդիրները։

Այս պահին՝ Մայլիի պաշտոնը ստանձնելուց մեկ ամիս անց, նրա վարչակազմի գործունեությունը առանձնապես դրական արդյունք չի տվել։ Համաշխարհային բանկի վերջին տվյալների համաձայն՝ Արգենտինան գերազանցել է Լիբանանին և Վենեսուելային՝ դառնալով պարենային ապրանքների գնաճի համաշխարհային առաջատարը՝ տարեկան 251 տոկոս ցուցանիշով։ Ընդհանուր գնաճը նախորդ տարեվերջին կազմել է 211,4 տոկոս։