Ռուսաստանն ԱՄՆ-ին հասկացրել է, որ պատրաստ է բանակցել Ուկրաինայում հրադադարի շուրջ. Bloomberg

Ռուսաստանը ոչ պաշտոնական ուղիներով ԱՄՆ-ին ազդանշան է տվել, որ պատրաստ է բանակցել Ուկրաինա ներխուժումը դադարեցնելու մասին՝ ներառյալ Կիևի համար հնարավոր ապագա անվտանգության միջոցները։ Այս մասին Bloomberg-ին հայտնել են Կրեմլին մոտ կանգնած երկու աղբյուրներ։

Ըստ նրանց՝ ռուսական իշխանություններն այդ «ազդանշանները» փոխանցել են ամերիկացի բարձրաստիճան պաշտոնյաներին 2023 թվականի դեկտեմբերին միջնորդի միջոցով։

Bloomberg-ի աղբյուրներն ասում են, որ Ռուսաստանի նախագահ Վլադիմիր Պուտինը կարող է քննարկել Ուկրաինայի չեզոքությունը պահպանելու և ՆԱՏՕ-ին չմիանալու պահանջները, որոնք Ռուսաստանը, ի թիվս այլ բաների, օգտագործել է լայնամասշտաբ ներխուժումն արդարացնելու համար: Փոխարենը Մոսկվան կպնդի, որ Կիևը ճանաչի Ռուսաստանի վերահսկողությունը Ռուսաստանի Դաշնության կողմից վերջին տարիներին օկուպացված տարածքների նկատմամբ։

ԱՄՆ Ազգային անվտանգության խորհրդի խոսնակ Ադրիեն Ուոթսոնը հայտարարել է, որ իր գործակալությունը տեղյակ չէ Ռուսաստանի դիրքորոշման փոփոխություններին, որոնք հայտնում է Bloomberg-ը։ «Ուկրաինան ինքն է որոշելու՝ արդյոք, երբ և ինչպես բանակցել Ռուսաստանի հետ»,- ասել է նա։

Կրեմլի խոսնակ Դմիտրի Պեսկովը գործակալությանը տված մեկնաբանությունում ասել է, որ Պուտինը բազմիցս հայտարարել է բանակցությունների համար Ռուսաստանի պատրաստակամության մասին։ «Մենք վճռական ենք մեր նպատակներին հասնելու համար։ Եվ մենք կնախընտրեինք դրանց հասնել դիվանագիտական ​​ճանապարհով։ Իսկ եթե ոչ, ռազմական գործողությունը կշարունակվի այնքան ժամանակ, քանի դեռ չենք հասել դրանց»,- հավելել է նա։

Ինչպես նշում է Bloomberg-ը, ամերիկացի պաշտոնյաները տեղյակ չեն նման առաջարկների մասին և նշաններ չեն տեսնում, որ Պուտինը լրջորեն է վերաբերվում ռազմական գործողությունների դադարեցմանը։ Նրանք թերահավատորեն են վերաբերվել ռուսական ազդանշանների մասին հաղորդագրություններին, գրում է գործակալությունը։

Այս թեմայով ՈւՂԻՂ. Հայ և ռուս փորձագետները քննարկում են ԱՄՆ-ում սպասվելիք ընտրությունների ազդեցությունը Սկանդալ ԱՄՆ-ում. Նյու Յորքի քաղաքապետը մեղադրվում է թուրքական իշխանությունների հետ կոռուպցիոն կապերի համար ԱՄՆ ափերին հզոր փոթորիկ է մոլեգնում Հանձնառու ենք օգնելու իրենց տունն ու ապրուստը կորցրած անձանց․ ԱՄՆ դեսպանն այցելել է Եռաբլուր ՄԱԿ-ի գլխավոր քարտուղարը ՌԴ-ին և ԱՄՆ-ին կոչ է արել կրճատել միջուկային զինանոցները