Ամերիկան և Թուրքիայի կողմից իրականացված ցեղասպանությունը

1915թ.-ին Թուրքիայի կառավարության կողմից մոտ 1,5 միլիոն հայերի բնաջնջումը հանգեցնում է միայն մեկ խելամիտ հետևության. Օսմանյան կայսրությունը ցեղասպանություն է իրականացրել: Փոխանակ ընդունելու  իր ամոթալի անցյալը, ինչպես արել են այդ նմանատիպ պատմությունով շատ երկրներ` Թուրքիան պոռթկում է զայրույթից, ահաբեկում նրանց, ովքեր փորձում են ճշմարտությունը պատմել աշխարհին և քրեականացնել «ցեղասպանություն» բառի օգտագործումը:

Ամենաակներև հարցն այն է, թե ինչու: Ինչո՞ւ է Թուրքիան այդքան նվիրական հերքում իր  պատմությունը և չի ճանաչում իր արյունոտ անցյալը: «Huffington Post» պարբերականի աշխատակից Ռոբի Ջենետը  որոշակի պարզաբանում է տալիս այն հարցին, թե ինչն է իրականում վտանգված: «Եկեք նայենք Հայաստանի ներկայիս և նախքան ցեղասպանության իրականացման ժամանակահատվածի  քարտեզներին: Կտեսնենք՝ այն մեծ հողակտորը, որ այժմ Թուրքիայի տարածքի մեջ է մտնում, ժամանակին պատկանել է Հայաստանին: Եթե 1915 թ.-ի Թուրքիայի գործողություններն իսկապես ճանաչվեն  որպես ցեղասպանություն, ներկայիս Հայաստանը պոտենցիալ կարող է հետ պահանջել իր հողերը: Նշենք, որ այս տարածքը կարող է ներառել նաև Կիլիկիա անվանումով հայտնի տարածաշրջանը, որը չնայած առանձին, բայց էթնիկապես Թուրքիայի հետ կապված տարածք է՝ սահմանամերձ Միջերկրական ծովին, և տանում է Կիլիկյան  Հայաստանի Թագավորություն, որ գոյություն է ունեցել երկրորդ հազարամյակի սկզբին: Այս պատմական հիմք ունեցող հողերը կարող են իրավացիորեն համարվել հայկական, եթե հաստատվի, որ այս տարածքները ցեղասպանության միջոցով ապօրինի վերցվել են Թուրքիայի կողմից: Այսպիսին է պատմությունը և դրա ապացույցները»: