Ռուսաստանի ԿԸՀ-ն Պուտինին գրանցել է` որպես նախագահական ընտրությունների թեկնածու

ՌԴ Կենտրոնական ընտրական հանձնաժողովը Վլադիմիր Պուտինին գրանցել է՝ որպես 2024 թվականի մարտին կայանալիք ընտրություններում Ռուսաստանի նախագահի թեկնածու, հայտնում է РИА Новости-ն։

«2024 թվականի հունվարի 29-ին՝ ժամը 11:23-ին, գրանցել Ռուսաստանի Դաշնության նախագահի թեկնածու, 1952 թվականին ծնված Վլադիմիր Վլադիմիրովիչ Պուտինին»,- ասված է ԿԸՀ նիստում ընդունված որոշման մեջ։

Դաշնային խորհուրդը նախագահական ընտրությունները նշանակել է 2024 թվականի մարտի 17-ին։

Քվեարկությունը կտևի երեք օր՝ մարտի 15-ին, 16-ին և 17-ին։ Այս պահին պետության ղեկավարի պաշտոնին հավակնում է 11 մարդ։

Կենտրոնական ընտրական հանձնաժողովն ավելի վաղ գրանցել է նախագահի երեք թեկնածուների՝ Լեոնիդ Սլուցկիին, Նիկոլայ Խարիտոնովին և Վլադիսլավ Դավանկովին։