ԱՄՆ-ում հայտնել են, թե որ դեպքում Թուրքիան կվերադառնա F-35 ծրագրին

Միացյալ Նահանգների ազգային անվտանգության խորհրդի ռազմավարական հաղորդակցությունների համակարգող Ջոն Քիրբին ասել է, որ ԱՄՆ-ը Թուրքիայի հետ քննարկում է ամերիկյան F-35 կործանիչների ծրագրին նրա վերադարձի հնարավորությունը, բայց միայն այն դեպքում, եթե Անկարան հրաժարվի ռուսական С-400 զենիթահրթիռային համակարգերից։ Այս մասին հայտնում է ՏԱՍՍ-ը։

Նրա խոսքով՝ F-35-ի ծրագիրը Թուրքիայի համար անհամատեղելի կլինի С-300 կամ С-400 հրթիռների կիրառմամբ։

Քիրբին ընդգծել է, որ դրա պատճառով քննարկումները շարունակվում են, եթե Թուրքիան կարողանա լուծել սրա հետ կապված մտահոգությունները, ապա նրա շարժը F-35 ծրագրի ուղղությամբ կարող է վերականգնվել։