Իրանում ձերբակալվել են Ադրբեջանից երկրի տարածք ներթափանցած լրտեսներ․ ԶԼՄ

Իրանի հետախուզության ծառայության աշխատակիցները ձերբակալել են Իսլամական Հանրապետության տարածքում դիվերսիա ծրագրող մի խումբ անձանց։ Այս մասին հայտնում է Tasnim գործակալությունը՝ վկայակոչելով երկրի անվտանգության մարմինների աղբյուրներին։

Նրանց տեղեկություններով՝ «լրտեսներն ու ահաբեկիչները մտել են Իրան՝ Իսլամական Հանրապետության ազգային անվտանգությունը խաթարելու համար գործողություններ և դիվերսիաներ իրականացնելու նպատակով»։ Ենթադրվում է, որ կենտրոնը, որտեղից ղեկավարվել է խմբավորումը, գտնվում է Ադրբեջանի տարածքում։