Եվս մեկ միլիարդատեր հրաժարվել է ՌԴ քաղաքացիությունից

Coalco International մշակող ընկերության նախկին սեփականատեր, միլիարդատեր Վասիլի Անիսիմովը հրաժարվել է Ռուսաստանի քաղաքացիությունից, գրում է Forbes-ը։ Նա դարձել է յոթերորդ միլիարդատերը 2022 թվականից ի վեր, ով որոշել է հրաժարվել Ռուսաստանի քաղաքացիությունից։

Փաստաթղթերի համաձայն՝ Անիսիմովը Ռուսաստանի քաղաքացիությունից հրաժարվել է դեռևս 2022 թվականի սեպտեմբերին և դարձել Խորվաթիայի բնակիչ։ Գործարարն ունի նաև Դոմինիկյան քաղաքացիություն։ Նա այն ստացել է 1990-ականների կեսերին՝ 60 հազար դոլարով, իսկ խորվաթականը՝ 2003 թվականին՝ 11 միլիոն դոլար անշարժ գույքի մեջ ներդնելու համար։

Քաղաքացիությունից հրաժարվելուց հետո Անիսիմովը բիզնես վիզայով մուտք է գործել Ռուսաստան և պնդել, որ Ռուսաստանում այլևս ակտիվներ չունի։ Միլիարդատիրոջ խոսքով՝ ինքը բիզնես վիզա է ստացել Bolshoye Domodedovo LLC ընկերությունից, որը Coalco International-ի նման հանձնել է մենեջերներին։

Ուկրաինայում ռազմական գործողության սկզբից շատ գործարարներ հրաժարվել են Ռուսաստանի քաղաքացիությունից, այդ թվում՝ Forbes-ի ցուցակից միլիարդատերեր։ Անիսիմովից բացի՝ Ռուսաստանի քաղաքացիությունից հրաժարվել են Տիմուր Տուրլովը, Ռուբեն Վարդանյանը, Յուրի Միլները, Նիկոլայ Ստորոնսկին, Օլեգ Տինկովը և Իգոր Մակարովը։