Քլինթոնը հնարավոր էր համարում Ռուսաստանի մուտքը ՆԱՏՕ. Պուտին
Համաշխարհային Մամուլ
ԱՄՆ նախկին նախագահ Բիլ Քլինթոնը ի սկզբանե հետաքրքիր գաղափար է անվանել Ռուսաստանի՝ ՆԱՏՕ-ին անդամակցելու ներուժը և ասել, որ դա հնարավոր է համարում, բայց իր թիմի հետ խոսելուց հետո ասել է, որ դա այժմ անհնար է։ Այս մասին հեռուստալրագրող Թաքեր Կառլսոնի հետ հարցազրույցի ժամանակ ասել է ՌԴ նախագահ Վլադիմիր Պուտինը։
«Ես նախագահ դարձա 2000 թվականին։ Մտածեցի՝ լավ, վերջ, Հարավսլավիայի հարցն ավարտված է, մենք պետք է փորձենք վերականգնել հարաբերությունները, բացենք այս դուռը, որով Ռուսաստանը փորձելու է անցնել։ Եվ ավելին, ես այդ մասին հրապարակավ խոսեցի իշխանությունը լքող Բիլ Քլինթոնի հետ հանդիպման ժամանակ, այստեղ՝ Կրեմլում, հենց այստեղ՝ կողքի սենյակում։ Ես նրան, ասացի. «Լսի'ր, Բիլ, ի՞նչ ես կարծում, եթե Ռուսաստանը բարձրացնի ՆԱՏՕ-ին անդամակցելու հարցը, ի՞նչ եք կարծում, դա հնարավո՞ր է»։ Հանկարծ նա ասաց. «Գիտե՞ս, կարծում եմ՝ դա հետաքրքիր միտք է, այո, հնարավոր է»։ Իսկ երեկոյան նա ասաց։ «Ես խոսեցի իմ թիմի հետ, ո՛չ, հիմա հնարավոր չէ»,- ասել է Պուտինը։
«Կարող եք հարցնել նրան, կարծում եմ, որ նա կլսի մեր հարցազրույցը և կհաստատի սա: Ես երբեք նման բան չէի ասի, եթե այդպես չլիներ: Ինչևէ, հիմա դա անհնար է», - հավելել է Պուտինը:
Ամենադիտված 
Մնաս բարյավ. Րաֆֆի Հովհաննիսյան
