ՆԱՏՕ-ն փորձում է վախեցնել իր բնակչությանը «ֆեյք» ռուսական սպառնալիքով. Պուտին

ՆԱՏՕ-ն փորձում է վախեցնել իր բնակչությանը «ֆեյք» ռուսական սպառնալիքով: Այս մասին հեռուստալրագրող Թաքեր Կառլսոնի հետ հարցազրույցի ժամանակ ասել է ՌԴ նախագահ Վլադիմիր Պուտինը։

«Մտածող մարդիկ, վերլուծաբանները, իրական քաղաքականությամբ զբաղվողները, պարզապես խելացի մարդիկ, հիանալի հասկանում են, որ դա «ֆեյք» է։ Ռուսական սպառնալիքն ուռճացվում է», - ասել է Պուտինը:

Նա ընդգծել է, որ համաշխարհային պատերազմը ողջ մարդկությանը կտանի կործանման:

«Կան, իհարկե, զսպման միջոցներ։ Մեզնով անընդհատ վախեցնում էին բոլորին՝ վաղը Ռուսաստանը մարտավարական միջուկային զենք կկիրառի, չէ, վաղը չէ մյուս օրը... Սրանք պարզապես սարսափ պատմություններ են հասարակ մարդկանց համար, որպեսզի լրացուցիչ գումար կորզեն ԱՄՆ և եվրոպացի հարկատուներից՝ ուկրաինական ռազմական գործողությունների թատերաբեմում Ռուսաստանի հետ առճակատման համար։ Նպատակը Ռուսաստանին հնարավորինս թուլացնելն է։ Ավելի լավ չի՞ լինի համաձայնության գալ Ռուսաստանի հետ` հասկանալով այսօր ստեղծվող իրավիճակը, այն, որ Ռուսաստանը մինչև վերջ պայքարելու է իր շահերի համար, և դա հասկանալով, փաստորեն, վերադառնալ ողջախոհությանը, սկսել հարգել մեր երկիրը, նրա շահերն ու դիրքորոշումը: Ինձ թվում է, որ սա շատ ավելի խելացի ու ռացիոնալ է», - ասել է Պուտինը։