ՔՊ-ականների ուշագրավ գնումները բյուջեի հաշվին. Հայկ Ղալումյան

Շարունակելով ընթերցողի ուշադրությանը ներկայացնել ՔՊ-ական պաշտոնյաների՝ միլիոնների հասնող ուշագրավ գնումները՝ այսօր կանդրադառնանք Տավուշի մարզպետ Հայկ Ղալումյանին։

եվ այսպես, Տավուշի մարզպետ Հայկ Ղալումյանը մեկ անձից գման ընթացակարգով 235,200 դրամի գնում է կատարել Դավիթ Աղասարյան ԱՁ-ից, որը  պետության հանդեպ չկատարած հարկային պարտավորություններ ունի:

Մարզպետարանը 645,000 դրամի ներկայացուցչական ծառայություններ է ձեռք բերել Գյուլնարա Մելիքսեթյան ԱՁ-ից։

Ղալումյանի ղեկավարած մարզպետարանը սպասարկման ծառայություններ է ձեռք բերել ռեստորաններում, որտեղ հաճախորդների շրջանակը սահմանափակված չէ և այդ նպատակով մեկ անձից գնման ընթացակարգով վճարել է 560,000 «Հին Կարպետ» ՍՊԸ-ին։

251,485 դրամի շերտավարագույրներ են ձեռք բերվել «Նալիալ» ՍՊԸ-ից՝ կրկին մեկ անձից գնման ընթացակարգով։

«ՌԱՎ-ՌԱԶ» ՍՊԸ-ից մեկ անձից գնման ընթացակարգով ձեռք են բերվել տնտեսական ապրանքներ, ինչի համար վճարվել է 297,950 դրամ: