Նեթանյահուն ո՞ւր է ուզում տարհանել Գազայի բնակչությանը, դեպի Լուսի՞ն. Բորել
Համաշխարհային Մամուլ
Իսրայելին աջակցող երկրների իշխանությունները պետք է դադարեն աղաչել նրան, որ դադարեցնի Գազայի հատվածում պաղեստինցիների սպանությունը և սկսեն քայլեր ձեռնարկել, օրինակ՝ սահմանափակել զենքի մատակարարումը: Այս մասին Բրյուսելում կայացած մամուլի ասուլիսի ժամանակ հայտարարել է Եվրամիության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը, գրում է ՏԱՍՍ-ը։
«Բոլորը գնում են Թել Ավիվ և աղաչում են, որ դա չանեն, այդքան մարդ չսպանեն: Չափազանց շատ մահեր կան, ինչքա՞ն են, ի՞նչ չափանիշներ կան: Իսրայելի վարչապետ Բենիամին Նեթանյահուն ոչ մեկին չի լսում: Նրանք ուզում են տարհանել Գազայի բնակչությանը։ Ո՞ւր, դեպի Լուսի՞ն։ Դադարեք խոսել, խնդրում եմ, և ինչ-որ բան արեք»,-ասել է Բորելը:
ԵՄ դիվանագիտության ղեկավարի կարծիքով՝ անհրաժեշտ է սահմանափակել Իսրայելին զենքի մատակարարումները։ «Քանի՞ անգամ եք նախարարներից լսել, որ շատ մարդիկ են սպանվել, եթե այդպես եք կարծում, եթե կարծում եք, որ շատ մարդ է սպանվել, միգուցե ավելի քիչ զենք պետք է տրվի, որ ավելի շատ զոհ չլինի»,-ասել է Բորելը։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
