ԵԱՀԿ ԽՎ-ից Ռուսաստանի դուրս գալու հարցը դեռ չի քննարկվել. Լավրով

Անվտանգության և համագործակցության կազմակերպության (ԵԱՀԿ ԽՎ) խորհրդարանական վեհաժողովից Ռուսաստանի դուրս գալու հարցը դեռ չի քննարկվել, սակայն հարցը «օդում կախված է», ասել է ՌԴ արտգործնախարար Սերգեյ Լավրովը, գրում է Vedomosti-ն։

«Հարցը դեռ չի քննարկվել, բայց օդում կախված է։ Կհետևե՞ն մեզ մեր դաշնակիցները, դա այլ հարց է, և այստեղ, իհարկե, պետք է լիովին հաշվի առնել նրանց դիրքորոշումը»,- ասել է նա Պետդումայում։

Փետրվարի 13-ին Պետդումայի նախագահ Վյաչեսլավ Վոլոդինը հայտարարեց, որ Ստորին պալատը և Դաշնության խորհուրդը փետրվարի 21-ին կայանալիք իրենց լիագումար նիստում կորոշեն կասեցնել Ռուսաստանի մասնակցությունը ԵԱՀԿ ԽՎ-ին և հրաժարվել մուծումներից։ «Դիրքորոշումը նախապես համաձայնեցված է Լավրովի հետ»,-ասել է Պետդումայի միջազգային հարցերով հանձնաժողովի նախագահ Լեոնիդ Սլուցկին։

2023 թվականին Պետդուման որոշեց դադարեցնել մուծումները վեհաժողովի բյուջե։ Դա պայմանավորված էր նրանով, որ Վոլոդինն ասել է, որ Ռուսաստանը բախվել է պատվիրակության աշխատանքին միջամտելու փորձերի։