France 24-ը հայտնել է նախագահ Մակրոնի դեմ մահափորձի նախապատրաստման մասին

Համացանցում տեղեկություններ են հայտնվել այն մասին, որ Ուկրաինայի իշխանությունները իբր ծրագրել են սպանել Ֆրանսիայի նախագահ Էմանուել Մակրոնիnն՝ Կիև կատարած այցի ժամանակ։ France 24 հեռուստաալիքի համապատասխան նյութը հրապարակվել է X սոցիալական ցանցում (նախկինում՝ Twitter): Այս մասին հաղորդում է Gazeta.ru–ն։

Տեսանյութում ցուցադրվում են Մակրոնի դեմ հնարավոր մահափորձի մասին Ուկրաինայի զինված ուժերի նախկին գլխավոր հրամանատար Վալերի Զալուժնիին իբր մոտ կանգնած աղբյուրի նամակագրության սքրինշոթերը։ Հաղորդագրությունները վկայում են այն մասին, որ ծրագրվում էր հարձակման պատասխանատվությունը գցել Մոսկվայի վրա՝ Ուկրաինայում տիրող իրավիճակի վրա ուշադրություն հրավիրելու և Արևմուտքի կողմից օգնությունը մեծացնելու նպատակով։

Սքրինշոթերը ցույց են տալիս, որ գործողության նախապատրաստումը համակարգել է Ուկրաինայի ռազմական հետախուզության ղեկավար Կիրիլ Բուդանովը։ Նյութում նշվում է, որ Զալուժնին խափանել է սպանության ծրագիրը՝ իր ալիքներով տեղեկություն փոխանցելով ֆրանսիացիներին։

Ենթադրվում է, որ հենց այդ պատճառով է Ֆրանսիայի նախագահը չեղարկել իր այցը Կիև։ 

Այնուամենայնիվ, France 24 ալիքի կայքում հեռուստատեսային եթերի ձայնագրությունը բացակայում է։

ԹԱՐՄԱՑՎԱԾ

France 24 հեռուստաալիքը չի հեռարձակել ենթադրյալ մահափորձի պատճառով Ֆրանսիայի նախագահ Էմանուել Մակրոնի` Ուկրաինա նախատեսված այցի չեղարկման մասին։ Այս մասին ՏԱՍՍ-ին հայտնել են հեռուստաալիքի մամուլի ծառայությունից։

«Այդ սյուժետը երբեք մեր կողմից չի հեռարձակվել, և մեր լրագրողները երբեք նման հայտարարություններ չեն արել: Այդ տեսանյութը ստեղծվել է արհեստական ​​ինտելեկտի միջոցով»,- ասվում է մամուլի ծառայությունում։