ԱՄՆ Կոնգրեսում հայտարարել են «ազգային անվտանգության լուրջ սպառնալիքի մասին»

Ներկայացուցիչների պալատի հետախուզության հանձնաժողովի նախագահ, հանրապետական ​​Մայք Թերները հայտարարություն է տարածել՝ նախազգուշացնելով «ազգային անվտանգության լուրջ սպառնալիքի» մասին և ԱՄՆ նախագահ Ջո Բայդենից պահանջելով «գաղտնազերծել այդ «սպառնալիքի» հետ կապված բոլոր տեղեկությունները, հայտնում է NBC News-ը։

Թերներն ասել է, որ կոմիտեն Կոնգրեսի բոլոր անդամներին հասանելի է դարձրել «ազգային անվտանգությանը սպառնացող լուրջ վտանգի մասին տեղեկությունները»: Նա չի մանրամասնել, թե ինչ «սպառնալիքի» մասին է խոսքը։

Նա խնդրել է Բայդենին «գաղտնազերծել այս սպառնալիքի հետ կապված բոլոր տեղեկությունները, որպեսզի Կոնգրեսը, վարչակազմը և մեր դաշնակիցները կարողանան բաց քննարկել այս սպառնալիքին արձագանքելու համար անհրաժեշտ գործողությունները»:

NBC News-ի ​​աղբյուրը, որը «ծանոթ է սպառնալիքին», ասել է, որ դա «լուրջ խնդիր է, որը կարող է հանգեցնել ապակայունացման»: Նա դա որակել է որպես «պոտենցիալ արտաքին սպառնալիք», սակայն չի հստակեցրել, թե որտեղից է այն գալիս:

CNN-ը, վկայակոչելով աղբյուրներին, հայտնում է, որ սպառնալիքը կապված է Ռուսաստանի հետ։ Հեռուստաալիքի զրուցակիցները այն բնութագրել են որպես «շատ զգայուն»։ Աղբյուրն ասել է, որ «դա իրականում շատ անհանգստացնող և ապակայունացնող ռուսական ներուժ է, որի մասին մեզ վերջերս է հայտնի դարձել»:

Reuters-ը պնդում է, որ «սպառնալիքը» կապված է Ռուսաստանի և «տիեզերական գործողությունների» հետ: Գործակալության զրուցակիցներն այլ մանրամասներ չեն հայտնել։