Բլինկենը մեր մարդն է. Պուտին
Համաշխարհային Մամուլ
ԱՄՆ պետքարտուղար Անտոնի Բլինկենի հրապարակային հայտարարությունները 1904 թվականին Ռուսաստանից փախած իր նախապապիկի մասին կարող են խնդիրների հանգեցնել։ Ըստ երևույթին, Բլինկենը «մեր մարդն է», - ասել է ՌԴ նախագահ Վլադիմիր Պուտինը լրագրող Պավել Զարուբինին տված հարցազրույցում, որը հրապարակվել է Կրեմլի Telegram ալիքում։
Ռուսաստանի ղեկավարը հիշեցրել է ԱՄՆ ներկայիս պետքարտուղարի խոսքերն այն մասին, որ իր նախապապը լքել է Ռուսաստանը՝ թաքնվելով, այսպես կոչված, հրեական ջարդերից։ Պուտինը հաստատել է, որ արխիվային փաստաթղթերում նշվում է Բլինկենի նախապապի՝ Ռուսական կայսրությունից փախուստի փաստը, ով ծնվել է Պոլտավայի նահանգում, հետագայում տեղափոխվել Կիև և փախել այնտեղից։
«1904 թվականին Բլինկենի նախապապը Կիևից մեկնել է Միացյալ Նահանգներ, ինչը նշանակում է, որ այնտեղ Ուկրաինա չկար, քանի որ նա ասում է, որ փախել է Ռուսաստանից: Ըստ երևույթին, պարոն Բլինկենը մեր մարդն է։ Պարզապես իզուր է նման հրապարակային հայտարարություններ անում։ Սա կարող է խնդիրների հանգեցնել»,- ասել է Պուտինը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
