Պայքար ՔՊ-ականների միջև. ովքեր են հավակնում էկոնոմիկայի նախարարի պաշտոնին

Օրեր առաջ հայտնի դարձավ, որ աշխատանքից ազատվել է էկոնոմիկայի նախարար Վահան Քերոբյանը: Երեկ արդեն տեղեկություն տարածվեց առ այն, որ վերջինս գտնվում է Քննչական կոմիտեում և նրան մեղադրանք է առաջադրվել պաշտոնեական դիրքը չարաշահելու հոդվածով: Քերոբյանի հրաժարականից հետո ամենաինտրիգային հարցը թերևս այն է, թե ով է զբաղեցնելու նախարարի պաշտոնը: Այս պահի դրությամբ երկու անուն է շրջանառվում՝ ՔՊ-ական պատգամավոր Բաբկեն Թունյանի և Գևորգ Պապոյանի թեկնածությունները: Երկուսն էլ վերջին շրջանում ակտիվ էին ոլորտային նախագծեր ներկայացնելու հարցում, իսկ Թունյան-Քերոբյան հեռակա հակամարտությունն արահայտվում էր նաև հրապարակային կերպով:

Օրինակ, գրառումներից մեկում Քերոբյանը նշել էր, որ Հայաստանը վերածվել է մեծ շինհրապարակի: Թունյանն իր հերթին հարցազրույցներից մեկում կասկածի տակ էր առել նախարարի այս պնդումը: ««Վերածվել է շինհրապարակի»՝ այդ ձեւակերպման մեջ ես չեմ ուզում խորանալ, բայց ակնհայտորեն անցած տարվա համեմատ մենք ունենք տնտեսական ցուցանիշների բարելավում»,- ասել էր Թունյանը: Ինչ վերաբերում է ներդրումների հոսքին՝ Թունյանն ասաց, որ ներդրումների վիճակագրություն չի հրապարակվել ու չի կարող ասել, թե ինչպես են տվյալները փոխվել: Մինչդեռ Քերոբյանը հայտարարում էր, որ ներդրումները հորդում են:

Թունյանն ու Քերոբյանը հակադիր կարծիքներ ունեին նաև տխրահռչակ կլինկերի հարցում:  ԱԺ-ում Թունյանը հայտարարել էր հետևյալը՝ դիմելով նախարարին: «Դուք հաշվարկ եք արել և ասում եք, որ կլինկերից ցեմենտ ստանալու արտադրական ծախսը կազմում է 1 տ համար 2500 դրամ: Կլինկերից ցեմենտ ստացող ընկերությունը մեզ տրամադրել է թվեր, ըստ որոնց կլինկերից ցեմենտ ստանալու համար ծախսվում է 7000 դրամ: Կա՛մ Ձեր հաշվարկն է սխալ, կա՛մ իրենք խաբում են»: Այսպիսով Թունյանը հերթական անգամ կասկածի տակ էր առնում Քերոբյանի հաշվարկները և առաջ քաշած թեզերը:

Իր հերթին ակտիվություն էր դրսևորում նաև Պապոյանը:  Նրա հեղինակած նախագիծն իսկական բունտ է առաջացրել կառուցապատողների շրջանում: Պատգամավորն առաջարկում է հետևյալը՝ բանկը, որից քաղաքացին առաջնային շուկայից հիպոթեքային վարկով բնակարան է գնում, վարկն ամբողջությամբ չտրամադրի կառուցապատողին, դրա 25 տոկոսը փոխանցի, մնացած 75-ը վճարի, երբ բնակարանը կառուցվի եւ հանձնվի սեփականատիրոջը։ «Հայաստանի Հանրապետության քաղաքացիական օրենսգրքում փոփոխություններ կատարելու մասին» օրենքի նախագիծն առաջին ընթերցմամբ արդեն իսկ ընդունվել է ԱԺ-ում: Թեև ինքը՝ Պապոյանը, հայտարարել է, որ իր հետ նախարարի պաշտոնը զբաղեցնելու հարցը չի քննարկվել, սակայն նա այս պահի դրությամբ շարունակում է մնալ երկու ամենահավանական թեկնածուներից մեկը: Ընդ որում, պետք է նշել, որ այստեղ ևս մեկ հավելյալ ինտրիգ կա, դիցուք՝ Պապոյանը ԶԼՄ-ի կողմից դասվում է այսպես կոչված՝ սորոսական շրջանակներին և հարց է առաջանում՝ արդյո՞ք Փաշինյանը կգնա ևս մեկ ռևերանսի Արևմուտքին և կհաստատի նրա թեկնածությունը, թե, ամեն դեպքում, կընտրի առավել բալանսավորված տարբերակ:

Այս թեմայով Գերմանիայում այլևս գազի պակաս չկա. Գերմանիայի էկոնոմիկայի նախարար Գերմանիայում այլևս գազի պակաս չկա. Գերմանիայի էկոնոմիկայի նախարար Գերմանիայում այլևս գազի պակաս չկա. Գերմանիայի էկոնոմիկայի նախարար Էկոնոմիկայի նախարարն Արմավիրի մարզում հետևել է խաղողի մթերումների ընթացքին Էկոնոմիկայի նախարարն Արմավիրի մարզում հետևել է խաղողի մթերումների ընթացքին