Պաշտոնյաների ուշագրավ գնումները` բյուջեի հաշվին. Արկադի Փելեշյան

Շարունակելով ներկայացնել բյուջեի հաշվին ուշագրավ գնումներ արած պաշտոնյաներին` այսօր կանդրադառնանք Վանաձորի քաղաքապետ Արկադի Փելեշյանին:

Փելեշյանի պաշտոնավարման առաջին տարվա համայնքապետարանի գնումների պլանն իրենից բավական ուշագրավ փաստաթուղթ է ներկայացնում: Դիցուք՝ նախորդ տարվա գնումների պլանով նախատեսվում էր գնել 824 հազար դրամի տպագրական ծառայություններ, 220 հազար դրամի ամրակ, 184 հազար դրամի ապակի լվանալու լաթ, 112 հազար դրամի զուգարանի թուղթ, 714 հազար դրամի բազկաթոռ, 640 հազար դրամի համակարգիչ, ամանօրյա միջոցառումների համար էլ շուրջ 3 միլիոն դրամ էր հատկացվել: Գնումների ողջ պլանին կարելի է ծանոթանալ այստեղ։

Համայնքապետարանը նաև գնման պայմանագիր է կնքել «ՈՍԿԵ ԱԳԱ ՍՊԸ»-ի հետ։

Մինչդեռ տվյալ ՍՊԸ-ն ընդամենը մեկ տարի առաջ հայտնվել էր ՊԵԿ ուշադրության կենտրոնում, վերջինիս տնօրենի նկատմամբ վարչական տուգանք  է կիրառվել։